21.9.21

EQUINOCCIO OUTONO

O inicio e o fin das estacións vén marcado polos solsticios e os equinoccios. Hai dous solticios (un de inverno e outro de verán) e dous equinoccios (un de primavera e outro de outono).

En que se diferencian?

Nos equinoccios, o día e a noite duran o mesmo. Nos solsticios, teñen diferente duración: o solsticio de inverno prodúcese na noite máis longa do ano e o solsticio de verán prodúcese na noite máis curta do ano.

Cando se producen?

Solsticio de invierno -sobre o 21 de decembro-, o equinoccio de primavera -sobre o 21 de marzo-, o solsticio de verán -sobre o 21 de xuño – e o equinoccio de outono -que se dará precisamente hoxe, 21 de setembro -.

 


19.9.21

Erupción nas illas Canarias

O volcán” Cumbre Vieja “, na illa canaria de La Palma comezou a súa su erupción, de tipo estromboliano, este domingo pola tarde, despois de máis dunha semana na que se produciron máis de 4.000 tremores e tras un seísmo de 4,2 na  escala sísmica. A expulsión de lava comezou pasadas as 15:00 horas. Está situado na zona coñecida como Cabeza de Vaca, no municipio de El Paso.

As erupcións estrombolianas son as que combinan a emisión de lavas con explosións cíclicas no cráter do volcán. Tamén se caracterizan por moita emisión de productos piroclásticos (cinzas, lapilli, bombas volcánicas).

As erupción estrombolianas denomínanse así polo volcán que formou a illa de Stromboli, no arquipélago das illas Eólicas ao norte de Sicilia (Italia).

Estas erupcións son particularmente espectaculares pola noite, cando a lava brilla intensamente.

 



 

16.9.21

CONMEMORA HOXE?

 


ALMADÉN

 A Sociedade Europea de Química decidiu otorgar a este pobo a distinción de sitio histórico de referencia pola importancia e a repercusión da mina de mercurio (Hg).

A mina de Almadén (Ciudad Real), que estivo activa 2.000 anos, é o maior xacemento de mercurio coñecido ata a data. Desta mina obtívose a terceira parte do mercurio consumido pola humanidade. En 2002 cesou a súa explotación, aínda que hai unha gran reserva de cinabrio no seu interior.

Cinabrio: mineral. É a fonte máis importante de mercurio. Na antigüidade empregouse como conservante de osos, na Idade Media, os alquimistas, empregárono para elaborar un elixir de lonxevidade; tamén empregouse como colorante para o lacre, que era un sólido (que contiña tamén cera de abella) para sellar as cartas ou documentos da realeza.